Mister në Francë, policia gjen eshtrat e 2-vjeçarit pas 9 muajsh i zhdukur

Pinterest LinkedIn Tumblr +

Thriller me zhdukjen dhe vdekjen në rrethana misterioze të vogëlushit 2-vjeçar në Francë. Autoritetet franceze konfirmuan ditën e djeshme skenarin më të keq.

“Eshtrat e 2-vjeçarit i cili rezultonte i zhukur prej nëntë muajsh u gjetën të shtunën 30 mars në rajonin Alpes-de-Haute-Provence, në Francën juglindore”, njoftoi dje zyra e prokurorit publik Aix-en-Provence.

“Të shtunën, policia kombëtare u informua për zbulimin e eshtrave pranë vendbanimit Vernet”, analizat e identifikimit gjenetik të të cilit bënë të mundur “të arrihet në përfundimin se i përkasin fëmijës Emil Soleg”, tha prokurori Jean-Luc Basson në një deklaratë publike.

Dy vjeçari u zhduk më 8 korrik të 2023-it. Ditën që u zhduk 2-vjeçari sapo kishte mbërritur në zonë për të kaluar pushimet verore në shtëpinë e gjyshërve, nga ana e mamit.

Advertisement

Në deklaratën e prokurorit thuhet se grupet hetimore po bëjnë një hetim të thelluar për zbardhjen e rrethanave të zhdukjes dhe vdekjes së 2-vjeçarit.

Emil u pa për herë të fundit me gjyshin e tij 58-vjeçar. Që atëherë, fati i tij ka qenë i paditur dhe hetuesit nuk kanë përjashtuar asnjë pistë hetimi, përfshirë rrëmbimin dhe vrasjen./vizionplus.tv/

Share.

Comments are closed.

Copyright © 2023 Struga.info | Privacy policy