“Ne jemi përpara të gjithëve”, 2 mln të vaksinuar deri në fund të janarit në Izrael

Izraeli pritet që të vaksinojë deri në fund të janarit dy milionë njerëz.

Deri më më tani, Izraeli ka vaksinuar më shumë se 1 milionë persona, duke kryesuar mbi të gjitha vendet e botës sa i përket imunizimit ndaj koronavirusit.

“Ne po thyejmë të gjitha rekordet. Ne jemi përpara gjithë botës”, tha Netanyahu të premten, gjatë një vizite në qytetin izraelit të Umm Al-Fahm.

Ministria e Sshëndetësisë tha të dielën se 435,866 njerëz në Izrael ishin testuar deri tani pozitivë për virusin, që kur rasti i parë i konfirmuar u raportua në shkurt. Ndërsa rreth 3,400 njerëz kanë humbur jetën.

Ministria tha të premten se ishin konfirmuar 18 raste të llojit të ri të koronavirusit, zbuluar së pari në Britani.