Të hënën pritet të zhvillohet në Turqi raundi tjetër i negociatave midis Ukrainës dhe Rusisë.
Lajmin e ka bërë të ditur një nga negociatorët ukrainas, David Arakhamia i cili shkruan se bisedimet do të zhvillohen tre ditë, nga e hëna në të mërkurë.
Presidenti turk, Erdogan, kishte deklaruar se palët ishin marrë vesh për katër pika nga gjashtë që janë diskutuar deri më tani mes ukrainasve dhe rusëve.
Raundi i parë i bisedimeve u zhvillua në Bjellorusi, e cila është aleate e Rusisë, por Turqia ka luajtur një rol në përpjekjet diplomatike për t’i dhënë fund luftës.
Advertisement