![Netanyahu: Njohja e një shteti palestinez është e barabartë me shpërblimin e terrorizmit](https://www.vizionplus.tv/wp-content/uploads/2024/05/neta01-mesa-712x400.jpg)
Iniciativa e bashkërenduar nga Irlanda, Spanja dhe Norvegjia për të njohur shtetin palestinez është e barabartë me “shpërblimin e terrorizmit”, ka argumentuar kryeministri izraelit Benjamin Netanyahu, duke dënuar vendimin.
“Ky do të ishte një shtet terrorist. Ai do të përpiqet të nisë përsëri sulmin që çoi në masakrën e 7 tetorit dhe ne nuk do të pajtohemi me këtë”, tha Netanyahu, duke kujtuar gjakderdhjen që Hamasi shkaktoi dhe ndezi luftën në Rripin e Gazës.
Në të njëjtën kohë, ai shpjegoi se Izraeli do të mbetet i patrembur në përmbushjen e qëllimit të tij, që është fitorja totale në luftën kundër Hamasit./vizionplus.tv
Advertisement