Kryeministri i Izraelit, Benjamin Netanyahu, është i palëkundur, pasi hodhi poshtë kushtet e Hamasit për një marrëveshje armëpushimi dhe lirimin e pengjeve, duke e quajtur propozimin absurd.
Netanyahu u zotua se do të vazhdojë luftën e Izraelit kundër Hamasit, e cila tashmë është në muajin e pestë, derisa të arrijë “fitoren totale”, siç theksoi ai në një konferencë për shtyp këtë mbrëmje.
Hamasi hartoi një plan të detajuar trefazor që do të zgjaste për katër muaj e gjysmë, duke iu përgjigjur një propozimi të hartuar nga Shtetet e Bashkuara, Izraeli, Katari dhe Egjipti.
Plani kërkon fundin e luftës dhe gjithashtu që të gjithë pengjet do të lirohen në këmbim të qindra palestinezëve të burgosur nga Izraeli, duke përfshirë oficerë të lartë.
“Dorëzimi ndaj kërkesave absurde të Hamasit që kemi dëgjuar tani jo vetëm që nuk do të çojë në lirimin e të burgosurve, por vetëm do të nxisë një tjetër masakër. Jemi në rrugën e një fitoreje absolute. Lufta do të zgjasë muaj, jo vite. Nuk ka zgjidhje tjetër”, theksoi ai në një fjalim televiziv drejtuar popullit izraelit.
Ai gjithashtu përjashtoi çdo marrëveshje që i jep Hamasit kontroll të plotë ose të pjesshëm të Rripit të Gazës. Përveç kësaj, ai vuri në dukje se Izraeli është fuqia e vetme që mund të garantojë sigurinë në afat të gjatë. /vizionplus.tv
