Një paciente që kishte rezultuar pozitive për koronavirusin është larguar nga Spitali i Gjakovës.
Sipas mediave kosovare, pacientja ndodhej prej një jave e shtruar në spital.
Raportohet se ajo ka arritur që të “arratiset”nga spitali pa lejen e mjekëve të spitalit të Gjakovës mëngjesin e sotëm.
Me të marrë informacionin se e infektuara kishte ikur nga spitali, për gjetjen e saj u mobilizua policia e Kosovës për rajonin e Gjakovës.
Advertisement
Zonja u gjet më vonë në shtëpinë e saj. Me rekomandimet e mjekëve ajo është marrë nga shtëpia dhe është shtruar në spital sërish në repartin infketiv të Spitalit Rajonal të Gjakovës, ‘Isa Grezda”.
Drejtori i spitalit të Gjakovës Hilmi Shala u shpreh:
“Ka ora 10:30 është largu nga spitali. E ka shfrytëzu vizitën e ditës dhe është largu. Policia ka arritur që ta kthejë sërish në spital.
