Presidenti i Ukrainës, Volodymyr Zelensky u bëri edhe një herë thirrje vendeve aleate që të mbyllin hapësirën ajrore të vendit të tij, për të shmangur atë që ai e quajtur katastrofë njerëzore.
Ai tha se Ukraina është më e rrezikuar se kurrë në këto momente. “Rusia përdor predha, avionë dhe helikopterë kundër nesh, kundër civilëve, qyteteve tona, kundër infrastrukturës sonë.
Është detyra njerëzore e botës që të kundërpërgjigjet”, tha Zelensky në një dalje televizive. Presidenti shtoi se ukrainasit kanë treguar në këto dy javë se janë kanë ditur të rezistojnë dhe se nuk do të dorëzohen.
Kjo nuk është hera e parë që Zelensky bën një kërkesë të tillë, por opsioni nuk është marrë në konsideratë nga shtetet e NATO-s. Më herët, Presidenti rus, Vladimir Putin, ka deklaruar se cilido shtet që vendos të mbyllë hapësirën ajrore të Ukrainës do të konsiderohej si i përfshirë në konflikt.
