Presidentja e Komisionit Evropian, Ursula von der Leyen, i kërkoi presidentit rus, Vladimir Putin, të enjten të zgjasë një marrëveshje që lejon eksportin e drithit ukrainas në Detin e Zi . Presidentja e Komisionit Europian theksoi në bisedën me Putin dështimi për ta bërë këtë do të çonte në pasiguri ushqimore globale.
“Bota ka nevojë për të. Rusia ka përgjegjësinë për ta zgjatur atë, përndryshe, pasiguria globale ushqimore do të ishte pasojë. Pra, tani topi është në fushën e Presidentit Putin dhe bota po shikon”, tha von der Leyen.
Duke folur në një konferencë shtypi, von der Leyen tha se mezi priste të diskutonte marrëveshjen e grurit dhe çështje të tjera me Sekretarin e Përgjithshëm të OKB-së Antonio Guterres, duke përfshirë ndryshimin e klimës dhe mbajtjen e kartës së OKB-së dhe respektimin e ligjit ndërkombëtar.
