Presidenti rus Vladimir Putin tha se nuk ka nevojë për “sulme masive” në infrastrukturën e Ukrainës për momentin. Tass dhe Ria Novosti raportojnë këtë.
“Rusia nuk dëshiron të shkatërrojë Ukrainën”, tha ai më herët, sikurse raportojnë agjencite Tass dhe Ria Novosti .
Gjatë samitit euroaziatik që po zhvillohet në Astana, Putin konfirmoi se “Rusia është e hapur ndaj perspektivës së bisedimeve me Ukrainën”.
Kur gazetarët e pyetën nëse i vinte keq për ndonjë gjë për konfliktin në Ukrainë, ai deklaroi:
Advertisement“Dua të sqaroj. Kjo që po ndodh sot është,, e pakëndshme, por të njëjtën situatë do ta kishim pak më vonë, vetëm në kushte më të këqija për ne. Pra, ne po veprojmë drejt dhe në kohën e duhur. Ne po bëjnë gjithçka siç duhet”, tha Putin.
Gjithsesi Vladimir Putin nuk sheh “nevojë” për bisedime me Joe Biden, gjë të cilën në fakt nga ana tjetër e bëri të qartë edhe homologu amerikan pak ditë më parë./tgcom