Moti i keq ka përfshirë Gjermaninë qendrore. Videot në rrjetet sociale tregojnë situatën e vështirë nga reshjet e dendura, stuhitë dhe rrufetë. Shiu i dendur shkaktoi bllokimin e disa rrugëve dhe rrëzimin e pemëve.
Fatmirësisht nuk ka patur viktima apo të lënduar.
Advertisement
Po ashtu edhe pjesë të ndryshme të Aeroportit të Frankfurtit janë mbuluar nga uji dhe kjo ka çuar në anulimin e 70 fluturimeve si dhe vonesa të gjata në pistë duke lënë qindra udhëtarë të bllokuar.
Për shkak të shirave të dendur dhe rrufeve janë shkaktuar vështirësi edhe në qarkullimin e automjeteve në rrugë të ndryshme.
Ndërkohë shërbimi gjerman i motit kishte paralajmëruar më herët për këtë situatë.
Advertisement
