Rritja e rasteve me Covid, Holanda rikthen masat kufizuese, Greqia ashpërson masat për të pavaksinuarit

Pinterest LinkedIn Tumblr +
Rritja e rasteve me Covid, Holanda rikthen masat kufizuese, Greqia ashpërson masat për të pavaksinuarit

Infektimet me koroanvirus kanë shpërthyer sërish në Greqi. 24-orëshi i fundit u shënua një tjetër rekord negativ për gjithë periudhën e pandemisë me mbi 6 800 raste të reja, duke thyer rekordin e mëparshëm të gushtit me 5 mijë raste.

Për këto qeveria greke ua vë fajin të pavaksinuarve. Ndaj duke nisur nga e shtuna, kush nuk është vaksinuar nuk mund të vazhdojë të punojë pa dëshmuar përmes tamponëve që i paguan nga xhepi, se është negativ ndaj COVID-19.

Kjo masë përfshin punonjësit e sektorit publik dhe privat, duke ndjekur shembullin e Italisë. Në këtë mënyrë, të pavaksinuarit mund të hyjnë edhe në bare e restorante.

Të njëjtat masa ka marrë edhe Austria dhe po shqyrtohen edhe nga qeveria gjermane. Nga 6 Nëntori, edhe Holanda ashpërson masat duke rikthyer maskat në ambientet publike, pas rekordeve të reja me mbi 7 mijë infektime ditore.

Advertisement

Masat më të ashpra bllokuese i ka aktualisht Rusia, ku u shënua një rekord i ri ditor me 1 189 vdekje. Kapacitetet spitalore janë drejt ezaurimit total. Sakaq, në Shtetet e Bashkuara, autoriteti i barnave FDA miratoi vaksinat për fëmijët e moshave nga 5 deri 11 vjeç, të cilave do të nisin tu injektohen nga 6 Nëntori.

Share.

Comments are closed.

Copyright © 2023 Struga.info | Privacy policy