Ministria e Jashtme e Rusisë i ka konsideruar vendimet e marra në samitin e NATO-s në Lituani si një rikthim të skemave të Luftës së Ftohtë.
“Perëndimi kolektiv” i udhëhequr nga Shtetet e Bashkuara nuk është i gatshëm të durojë formimin e një bote shumëpolare dhe synon të mbrojë hegjemoninë e tij me të gjitha mjetet e disponueshme, përfshirë ato ushtarake,” tha ministria në një deklaratë. “Përpjekjet e NATO-s për të mbuluar aspiratat dhe veprimet e tyre agresive me Kartën e OKB-së nuk qëndrojnë para shqyrtimit. Aleanca dhe organizata botërore nuk kanë asgjë të përbashkët”, shtohet më tej në deklaratë.
Në të njëjtën deklaratë, Ministria e Jashtme tha se Moska do të analizojë me kujdes rezultatet e samitit në Vilnius dhe do të përgjigjet në kohën e duhur duke përdorur të gjitha mjetet dhe metodat që ka në dispozicion.
