Marrëveshja mes Serbisë dhe Rusisë për gazin rus ka nxitur reagimin e menjëhershëm të Kosovës, e cila e sheh me shqetësim.
Duke rikthyer në kujtesë një deklaratë të Aleksandër Vuçiç pas takimit të tij me Vladimir Putin në nëntor të 2021, ku flitej edhe për veriun e Kosovës, Kurti u shpreh se tashmë marrëveshjet mes tyre arrihen edhe pa takime.
ALBIN KURTI
KRYEMINISTER I KOSOVES
“Ata as nuk kanë nevojë të takohen më. Marrëveshjet mes Putin dhe Vuçiç tani arrihen përmes bisedave telefonike.”
Një reagim erdhi edhe nga zyra e Presidencës në Kosovë, e cila vuri në dukje forcimin e marrëdhënieve mes Rusisë dhe Serbisë, në kohën kur kjo e fundit kërkon të anëtarësohet në BE.
Për këtë arsye, thirrja që bëhet për Bashkimin Evropian është që të zgjohet dhe të mos e tolerojë më këtë sjellje të Beogradit. Sipas marrëveshjes së dakordësuar mes Putin dhe Vuçiç, për një periudhë trevjeçare Serbia do të furnizohet me gazin rus me një çmim shumë të favorshëm.
