Shefi i NATO-s: Ukraina mund ta fitojë këtë luftë

Pinterest LinkedIn Tumblr +
Shefi i NATO-s: Ukraina mund ta fitojë këtë luftë

Përveç ushtrisë së zhytur në një konflikt të ashpër në lindje të Ukrainës, Rusia ka shënuar humbje edhe në aspektin diplomatik përgjatë fundjavës, pasi dy shtete evropiane kanë shprehur zëshëm synimet për anëtarësim në NATO.

Finlanda ka bërë të ditur të dielën se mëton t’i bashkohet aleancës, duke thënë se pushtimi i Rusisë në Ukrainë – rreth tre muaj më parë – ka ndryshuar situatën e sigurisë në Evropë.

Disa orë më vonë, partia qeverisëse në Suedi, ka mbështetur synimet e shtetit për anëtarësim në NATO, duke i hapur rrugën aplikimit brenda ditësh.

Këto vendime mund të peshojnë rëndë mbi presidentin rus, Vladimir Putin, i cili e ka konsideruar si të rrezikshëm zgjerimin e NATO-s, pas periudhës së Luftës së Ftohtë.

Advertisement

NATO-ja, në anën tjetër, deklaron se është vetëm aleancë për mbrojtje.

Sekretari i Përgjithshëm i NATO-s, Jens Stoltenberg, ka thënë se lufta “nuk është duke shkuar sipas planeve të Moskës”.

“Ukraina mund ta fitojë këtë luftë”, ka thënë ai pas takimit me diplomatë të lartë në Berlin.

Ai ka thënë po ashtu se aleanca duhet të vazhdojë mbështetjen ushtarake për Kievin.

Advertisement

Ndërkohë, Rusia ka shkaktuar dëme, por nuk ka arritur të shënojë përparim të madh territorial në lindje të Ukrainës.

Luftëtarët rusë dhe ata ukrainas janë duke luftuar fshat pas fshati në Donbas, rajon lindor i Ukrainës.

Ushtarët ukrainas kanë luftuar me separatistët e mbështetur nga Moska për tetë vjet në këtë rajon.

Përgjatë fundjavës, forcat ruse kanë sulmuar një fabrikë të lëndëve kimike në Siverodonetsk të Donbasit, ka thënë guvernatori rajonal, Serhii Haidaii.

Advertisement

Guvernatori i Lvivit ka thënë se raketat ruse kanë shkatërruar edhe “infrastrukturë ushtarake” në rajonin Javoriv, afër kufirit me Poloninë.

Perëndimi dërgon armë në Ukrainë përmes qytetit të Lvivit.

Ushtria ukrainase kanë thënë se i ka ndalur hovin ofensivës ruse në Donbas.

Forcat ukrainase kanë sulmuar pozicionet ruse dhe kanë shkatërruar dy ura të kontrolluara nga ato.

Advertisement

Ministria britanike e Mbrojtjes ka thënë në raportin e saj ditor se ushtria ruse ka humbur një të tretën e fuqisë luftarake në Ukrainë – në krahasim me atë që ka pasur kur ka nisur luftën – dhe se nuk ka shënuar fitore të mëdha territoriale.

“Në situatën aktuale, Rusia ka pak mundësi të bëjë përparim të madh në 30 ditët e ardhshme”, ka thënë ministria përmes një postimi në Twitter.

Në qytetin e Mariupolit, qindra trupa ukrainase vazhdojnë të refuzojnë dorëzimin dhe kanë mbetur të bllokuara në fabrikën e çelikut, Azovstal.

Kjo fabrikë është zona e vetme e kontrolluar nga ukrainasit në Mariupol.

Advertisement

Shumë gra të luftëtarëve të bllokuar i kanë bërë thirrje komunitetit ndërkombëtar të sigurojë “lirimin e gjithë garnizonit”.

Në një konferencë online për media, gratë kanë thënë se trupat ushtarake kanë mbetur me pak bukë, ushqime dhe ilaçe.

Zëdhënësi i Qeverisë turke, Ibrahim Kalin, ka thënë se shteti i tij ka ofruar mundësinë e evakuimit të ushtarëve të plagosur ukrainas, përfshirë edhe largimin e tyre nga Azovstali, sipas transmetuesit shtetëror, TRT./R.E.L

Advertisement
Share.

Comments are closed.

Copyright © 2022 Struga.info | Privacy policy