Shefi i Wagnerit i kërkon Moskës që pozicionet në Bahmut t’ua dorëzojë çeçenëve

Pinterest LinkedIn Tumblr +
Shefi i Wagnerit i kërkon Moskës që pozicionet në Bahmut t’ua dorëzojë çeçenëve

Shefi i grupit paraushtarak rus, Wagner, i ka kërkuar të shtunën Moskës, që t’ia dorëzojë pozicionet e tij në Bahmut, liderit çeçen, Ramzan Kadyrov.

 

“Ju kërkoj që të lëshoni një urdhër luftarak para orës 00:00, më 10 maj, lidhur me transferim të pozicioneve të njësiteve paraushtarake të Wagnerit në Bahmut dhe periferi, te njësitet e batalionit Akhmat”, ka thënë Yevgeny Prigozhin, në një letër drejtuar ministrit rus të Mbrojtjes, Sergei Shoigu.

 

Advertisement

Batalioni Akhmat u referohet njësiteve luftarake çeçene nën komandën e Kadyrovit, i cili e ka udhëhequr Çeçeninë – republikën ruse me shumicë myslimane – që një dekadë e gjysmë.

Prigozhin ka thënë se luftëtarët do të detyrohen të largohen për shkak të mungesës së madhe të municionit.

 

Ai e ka akuzuar Ministrinë ruse të Mbrojtjes se ka dorëzuar vetëm 32 për qind të municionit të kërkuar, prej tetorit të vitit 2022.

Advertisement

 

Luftëtarët e Wagnerit janë në krye të luftimeve për kontrollin e Bahmutit.

 

Të premten, lideri i Wagnerit ka kërcënuar me tërheqje të trupave nga kjo zonë.

Advertisement

Në anën tjetër, Kadyrov ka thënë se luftëtarët e tij janë të gatshëm “të avancojnë dhe ta pushtojnë qytetin”.

 

Ai i ka lavdëruar njësitet e Wagnerit, duke thënë se grupet kanë luftuar betejat më të ashpra në Popasna, Severodonjeck dhe Lisiçansk.

 

Advertisement

Në një mesazh të publikuar të shtunën, Prigozhin e ka falënderuar Kadyrovin për ofertën e tij, dhe ka thënë se forcat çeçene mund ta fitojnë kontrollin e Bahmutit.

 

Lufta në Ukrainë ka nisur më 24 shkurt 2022.

 

Advertisement

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

 

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

 

Advertisement

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL/

Share.

Comments are closed.

Copyright © 2023 Struga.info | Privacy policy