Pas Mbretërisë së Bashkuar, edhe Shtetet e Bashkuara janë të hapura për trajnimin e pilotëve ukrainas F-16 në tokën amerikane. Lajmi u njoftua nga një deklaratë e Shtëpisë së Bardhë këtë të premte. Megjithatë, zyrtarët e lartë amerikanë theksuan se ky proces mbetet i ndërlikuar.
“Arsyeja pse po e bëjmë këtë është pjesë e një përpjekjeje më të gjatë dhe më të gjerë për t’u siguruar që ne po vazhdojmë të përmirësojmë aftësitë e vetëmbrojtjes dhe ushtarake të Ukrainës për një afat të gjatë,” tha të premten Koordinatori i Këshillit të Sigurisë Kombëtare për Komunikimet Strategjike, John Kirby. “Do të kalojë pak kohë para se avionët të mund të shfaqen në Ukrainë dhe që ata të integrohen në flotën ajrore.”
Zyrtarët evropianë dhe presidenti ukrainas Volodymyr Zelensky thanë publikisht muajin e kaluar se ata prisnin që trajnimi të fillonte në gusht, por ky afat kohor është shtyrë pasi zyrtarët po punojnë për të gjetur detaje logjistike, duke përfshirë numrin e pilotëve që ukrainasit do të dërgojnë përfundimisht në trajnim.
Nga ana tjetër, Britania pranoi se është e hapur për të trajnuar ushtarët ukrainas, por gjuha mbetej një problem.
