Një rast i pazakontë është regjistruar në fshatin Kassandra në Halkidiki të Greqisë.
Pronari i një hoteli, vendoste kamera të fshehta në dhomat e akomodimit dhe filmonte çiftet në momente intime.
Ky rast është zbuluar në datën 29 shtator nga një çift i ri, të cilët teksa ishin në dhomën e hotelit, pikasën një kamera në prizë. Ditën tjetër, në datën 30 shtator, çifti e denoncoi rastin në polici.
Në një hetim të kryer nga autoritetet, u zbulua se të paktën dhjetë çifte të tjera ishin regjistruar vetëm në këtë dhomë, ndërsa kamerat ishin në të gjitha dhomat e hotelit.
Sipas GRTimes.gr , pronari i hotelit është shoqëruar në komisariat për të dhënë dëshminë e tij.
Ai ka deklaruar se po regjistronte momentet private të çifteve për përdorim personal.
Pas kësaj dëshmie, ai është lënë më pas i lirë.
