Fëmijët janë grupi më imunë nga koronavirusi. Këtë e ka faktuar edhe një studim i fundit i kryer në Mbretërinë e Bashkuar.
Sipas ekspertëve të shëndetit, në përfundim u vu re se fëmijët janë shumë pak të rrezikuar të vdesin apo të sëmuren rëndë nga COVID-19.
Pediatrit përshkruan gjetjet si qetësuese. Studiuesit analizuan të dhëna mbi 651 pacientë me COVID-19 nën moshën 19 vjeç, të cilët u pranuan në 138 spitale në të gjithë Anglinë, Skocinë dhe Uellsin midis janarit dhe korrikut.
Gjashtë nga ata pacientë të rinj, ose 1%, vdiqën në spital. 27% e pacientëve Covid-19 të të gjitha moshave vdiqën gjatë së njëjtës periudhë, vunë re studiuesit.
Në përgjithësi, 18% e pacientëve të rinj kishin nevojë për kujdes kritik. Simptomat më të zakonshme që kishin pacientët e rinj ishin ethe, kollë, të vjella.
“Ky është një studim vëzhgues i fëmijëve të shtruar në spital. Por jo të gjitha rastet mund të jenë kapur. Kjo gjithashtu nuk llogarit për mbizotërimin e vërtetë të infeksionit të rëndësishëm COVID-19 te fëmijët”, tha Athimalaipet Ramanan, profesor në Universitetin e Bristolit.
Dr Liz Ëhittaker, udhëheqëse e sëmundjes infektive në Kolegjin Mbretëror të Pediatrisë dhe Shëndetit të Fëmijëve në Britani, i cili nuk ishte i përfshirë në studim, i quajti gjetjet siguruese.
Studimi/ Fëmijët kanë pak rrezik të vdesin apo të sëmuren rëndë nga koronavirusi shkruan Vizion Plus.
