Sirenat e luftës në Izrael kanë ndaluar. Me rrëzimin e 99% të dronëve dhe raketave sulmuese nga Irani, i cili mbajti premtimin e tij për t’u hakmarrë për sulmin vdekjeprurës në konsullatën e tij në Damask , të gjithë sytë janë tani në Tel Avivi. A do të përgjigjet Izraeli, si dhe kur?
Në komunikimin e djeshëm mes presidentit amerikan, Joe Biden, dhe kryeministrit izraelit, Benjamin Netanyahu , kjo ishte “tema kryesore”.
Shtetet e Bashkuara të Amerikës që e kanë bërë të qartë se nuk do të marrin pjesë në asnjë operacion hakmarrës nga Izraeli, po përpiqen që ky konflikt të mos ketë vazhdimësi në mënyrë që lufta të mos përhapet në Lindjen e Mesme.
President Joe Biden warned Prime Minister Benjamin Netanyahu that the US will not take part in a counter-offensive against Iran, an option that Netanyahu’s war cabinet favored after a mass drone and missile attack on Israeli territory https://t.co/ikHKa4p74k pic.twitter.com/2CxfjkapU5
— Reuters (@Reuters) April 15, 2024
Advertisement
Ndërkaq dëmet e vogla të shkaktuara nga raketat iraniane, treguan se Irani nuk ka armatime të fuqishme, e për rrjedhojë ulën rrezikshmërinë që vjen nga raketat iraniane. Në komunikimet e tyre publike SHBA-të insistojnë se Irani nuk është fuqia ushtarake që pretendon apo tregon se është.
Nga ana tjetër, operacioni “True Promise” i Gardës Revolucionare në Iran, siç pranojnë analistët, ishte planifikuar me kujdes për të mos shkaktuar humbje (madje të mëdha) në jetë, por kryesisht në infrastrukturën ushtarake.
Sipas analistëve sulmi iranian ishte projektuar që t’u jepte kohë izraelitëve për ta menaxhuar rakatet.
Izraelitët thonë se objektivi kryesor i sulmit ishte baza e forcave ajrore të Izraelit, në Nevatim në veri të vendit. Aty është baza F-35 vendit, avioni më i rëndësishëm dhe më i avancuar teknologjikisht.
Një ide që ka filluar të komunikohet fuqishëm në Izrael është që të përdoret i gjithë arsenali diplomatik i Izraelit që Garda Revolucionare e Iranit të shpallet nga OKB-ja si një organizatë terroriste.
Në një rast të tillë, thonë ata, “përgjigja” e premtuar nga Izraeli – dhe e marrë si e mirëqenë – mund të bëhet me mbështetjen dhe pjesëmarrjen e një formacioni ushtarak shumëkombësh.
Në debatin e djeshëm në OKB, ambasadori i Kinës në Kombet e Bashkuara, Dai Bing, deklaroi se sulmi i mëparshëm ndaj konsullatës iraniane në Siri (me shtatë të vdekur që Irani ia atribuon Izraelit) ishte “jashtëzakonisht i egër”. Kina shprehu gjithashtu “shqetësim të thellë” për sulmin e Iranit ndaj Izraelit dhe bëri thirrje për “qetësi dhe përmbajtje maksimale” nga të gjitha palët. Deklarata e Kinës bëri thirrje gjithashtu për një armëpushim të menjëhershëm në Gaza dhe tha se “katastrofa humanitare” atje ishte “e papranueshme”.
Ky është një skenar. Tjetri, dëshiron që Netanyahu të injorojë edhe një herë këshillën e presidentit amerikan dhe të vazhdojë me përgjigjen – e premtuar – ndaj Iranit. Por edhe për shkak të kësaj, Këshilli i Luftës i Izraelit është i ndarë për sa i përket kohës dhe intensitetit të sulmeve.
Izraeli u sulmua nga një valë dronësh dhe raketash në sulmet e para të drejtpërdrejta të Iranit në territorin e tij Sulmi përfshiu më shumë se 300 dronë dhe raketa – shumica dërrmuese u kapën , tha ushtria izraelite.
Një raketë balistike goditi bazën ajrore Nevatim në jug të vendit, duke shkaktuar dëme të vogla , thanë zyrtarët Irani tha se sulmi ishte një përgjigje ndaj një sulmi vdekjeprurës në një kompleks diplomatik iranian në Siri në fillim të këtij muaji
Teherani paralajmëroi gjithashtu nëse Izraeli hakmerret, përgjigja e tij e ardhshme do të jetë më e madhe. Kryeministri Benjamin Netanyahu mblodhi një kabinet lufte për të diskutuar sulmin, i cili u dënua nga liderët globalë duke përfshirë presidentin e SHBA Joe Biden, kryeministrin britanik Rishi Sunak dhe Sekretarin e Përgjithshëm të OKB-së.
Presidenti i SHBA ka organizuar një takim online të liderëve të G7, ndërsa Shtëpia e Bardhë ka këmbëngulur se nuk dëshiron të shohë përshkallëzimin e krizës në Lindjen e Mesme./vizionplus.tv/
