Kreu i NATO-s, Jens Stoltenberg, ka reaguar pas sulmit të trupave ruse mbi centralin më të madh bërthamor të Evropës, në qytetin Zaporizhzhia të Ukrainës.
Shefi i NATO-s ka zhvilluar një takim me Sekretarin Amerikan të Shtetit, Antony Blinken, ku ka dënuar veprimet e Rusisë ndaj Ukrainës, përfshirë edhe sulmin e fundit në centralin bërthamor.
Advertisement
“Ne dënojmë sulmet ndaj civilëve. Gjatë natës kemi parë gjithashtu sulmin ndaj centralit bërthamor. Kjo thjesht tregon pamaturinë e kësaj lufte dhe rëndësinë e përfundimit të saj, ku Rusia duhet të tërheqë trupat dhe të angazhohet me mirëbesim në zgjidhjen e situatës në rrugë diplomatike”, ka thënë Stoltenberg.
