Të paktën 57 njerëz dyshohet se janë vrarë në protestat në Iran

Pinterest LinkedIn Tumblr +
Të paktën 57 njerëz dyshohet se janë vrarë në protestat në Iran

Të paktën 57 persona janë vrarë në protestat kundër Qeverisë në Iran, të cilat janë nxitur nga vdekja e një gruaje 22-vjeçare, kanë thënë Organizata e Iranit për të Drejta të Njeriut.

 

Mahsa Amini ka vdekur teksa ka qenë në mbajtje të Policisë për Moral, e cila ka ndalur gruan me arsyetimin se nuk e ka vendosur si duhet mbulesën në kokë.

 

Advertisement

Megjithatë, kjo organizatë ka thënë se për shkak të vendimit të Qeverisë për të bllokuar internetin në Iran, është e vështirë që të konfirmohet numri i saktë i raportimeve për viktima.

 

Deri më tani, autoritetet kanë raportuar për 41 persona të vdekur.

 

Advertisement

Protestat në Iran janë duke u mbajtur për 10 ditë me radhë.

 

Zyrtarët kanë thënë se Amini ka vdekur nga sulmi në zemër, mirëpo familjarët e saj, dhe disa grupe për të drejta të njeriut, kanë hedhur poshtë këto supozime, duke thënë se ajo ka pasur shëndet të mirë.

 

Advertisement

Sipas tyre, gruaja është rrahur sa ka qenë në mbajtje.

 

Në disa postime në rrjetet sociale, familjarët e personave të vrarë nëpër protesta, kanë thënë se autoritetet u kanë lëshuar certifikatat e vdekjes me arsyetimin se ata kanë pasur sëmundje të ndryshme.

 

Advertisement

Disa të tjerë kanë thënë se autoritetet u kanë bërë presion që të varrosin familjarët e tyre brenda natës, për të fshehur atë që ka ndodhur.

 

Aplikacionet sikurse WhatsApp, Instagram dhe Skype janë bllokuar ditëve të fundit në Iran.

 

Advertisement

Qasja në internet është kufizuar përtej niveleve të normales, ka thënë grupi që monitoron faqet në internet, NetBlocks.

 

Megjithatë, videot e protestave nga Irani vazhdojnë të publikohen përmes kanaleve tjera, dhe zyrtarë të sigurisë shihen duke sulmuar turmat me armë zjarri.

Advertisement
Share.

Comments are closed.

Copyright © 2023 Struga.info | Privacy policy