Presidenti i SHBA-ve Joe Biden, ka zhvilluar një bisede telefonike me kryeministrin e Izraelit Nenjamin Netanyahu, të mos i përgjigjet sulmit të Iranit, pasi Amerika nuk do ta mbështesë.
Burime pranë “Shtëpisë së Bardhë”, bëjnë me dije se Biden gjatë një bisede me anëtarët e sigurisë kombëtare të SHBA ka dhënë disa detaje të bisedës mes tij dhe Netanyahu, duke thënë se i ka kërkuar kryeministrit izraelit që të mos përgjigjen sulmit të Iranit, pasi nuk do të kenë mbështetje.
Zëdhënësi i Sigurisë Kombëtare të Shtëpisë së Bardhë, Jon Kirby, theksoi se presidenti Biden e kishte cilësuar si mjaft të suksesshëm përgjigjen e Izraelit të ndihmuar dhe nga SHBA për të mos lejuar asnjë raketë iraniane që të shkaktonte dëme.
Ai tha të dielën se aftësia për të parandaluar dëmin e gjerë ishte një demonstrim i “epërsisë ushtarake” të Izraelit dhe provë se Irani nuk ishte “fuqia ushtarake që ata pretendojnë se janë”.
“Ky ishte një sukses i jashtëzakonshëm, duke vërtetuar vërtet epërsinë ushtarake të Izraelit dhe po aq kritike, epërsinë e tyre diplomatike, se ata kanë miq në rajon, që kanë në mbarë botën që janë të gatshëm t’i ndihmojnë ata,” tha Kirby.
Nga ana tjetër Sekretari i Mbrojtjes Lloyd Austin i kërkoi homologut të tij izraelit, ministrit Yoav Gallant, të njoftojë SHBA-në përpara çdo përgjigjeje të mundshme ndaj sulmit iranian, sipas një zyrtari tjetër amerikan.
Edhe pse zyrtarët amerikanë u theksuan homologëve të tyre se vendimi përfundimtar se si t’i përgjigjet Iranit i takon Izraelit, Biden ka kërkuar të parandalojë një përshkallëzim më të gjerë të konfliktit.
