Dialogu mes Prishtinës dhe Beogradit duket se ka mbërritur në një fazë historike pasi këtë mbasdite presidenti amerikan Donald Trump do të presë në një takim trepalësh, kryeministrin e Kosovës Avdullah Hoti dhe presidentin serb Alexandeër Vucic.
Në axhendën zyrtare të presidentit Trump bëhet e ditur se në zyrën ovale të shtëpisë së bardhë do të nënshkruhet një marrëveshje ekonomike mes palëve dhe më tej do të vijojë takimi trepalësh në dhomën Rusvelt.
E ndërsa nuk ka ende detaje konkrete mbi marrëveshjen e arritur, presidenti serb, Alexandër Vuçiç bëri të ditur se gjatë takimeve të një dite më parë, ishin paraqitur projekt-propozime që përfshinin njohjen e ndërsjelltë dhe se ai e kishte refuzuar një gjë të tillë.
ALEXANDER VUCIC
PRESIDENT I SERBISE
Advertisement“Ai dokument ishte shumë i rëndë, kishte 15 apo 16 pika dhe një prej tyre ishte për njohjen e ndërsjellë. Unë e refuzova. Nga kabineti i Trumpit u dëgjua kërkesa jonë dhe në dokumentetet e tjera kjo pikë nuk është më. Nëse më pyesni nëse Serbia do të pranojë njohjen e ndërsjellë që ishte përmendur në disa projekt-propozime, kjo nuk do të ndodhë”.
Ndërsa kryeministri i Kosovës, Avdullah Hoti deklaroi se qëllimi përfundimtar i dialogut me Serbinë është njohja reciproke dhe përmes bashkëpunimit ekonomik janë bërë hapa para.
Ky është takimi i parë në nivel të lartë i ndërmjetësuar nga Shtetet e Bashkuara të Amerikës ndërsa të hënën e 7 shtatorit, Hoti dhe Vuçiç do të takohen në Bruksel për të vijuar procesin e dialogut.
Trump pritet të “vulosë” sot marrëveshjen Kosovë-Serbi shkruan Vizion Plus.
