Policia turke njofton se ka arrestuar një diplomat amerikan në aeroportin e Stambollit muajin e kaluar, me dyshimet se i ka dhënë pasaportën e tij një shtetasi sirian.
Oficerët thonë se burri sirian, i identifikuar si R.S, po përpiqej të fluturonte për në Gjermani duke përdorur dokumentin.
Burri amerikan thuhet se punonte në konsullatën amerikane në Bejrut dhe kishte 10,000 dollarë para në dorë kur u arrestua.
Pamjet e CCTV nga incidenti i 11 nëntorit tregojnë se burrat këmbyen rrobat në aeroport, tha policia.
Departamenti Amerikan i Shtetit nuk ka komentuar mbi akuzat, të cilat dolën të mërkurën.
Siriani përballet me akuzën e falsifikimit të një dokumenti zyrtar dhe është liruar me kusht.
Diplomati, i identifikuar vetëm me inicialet D.J.K, mbetet në paraburgim, sipas policisë turke.
