Të paktën 501 fëmijë janë vrarë në Ukrainë që nga shkurti i vitit 2022, kur Rusia nisi pushtimin e saj në shkallë të plotë. Këto të dhëna janë bërë publike nga UNICEF.
Catherine Russell, drejtoreshë ekzekutive e Fondit të Kombeve të Bashkuara për Fëmijët deklaroi se shifra reale me gjasë është shumë herë më e lartë.
Advertisement
“Një tjetër moment historik tragjik për fëmijët dhe familjet e Ukrainës”, tha Russell.
Në të njëjtën kohë, Russel shtoi se thuajse 1 mijë fëmijë ukrainas janë lënduar rëndë nga bombardimet ruse. Si pasojë, në trupat dhe fytyrat e tyre gjendet shenja që me gjasë do t’i shoqërojnë gjatë gjithë jetës.
Advertisement
