Forcat e armatosura të Gjermanisë po përballen me probleme të mëdha pasi personeli i tyre plaket dhe përpjekje po bëhen për të rekrutuar të rinj, sipas një raporti kritik të paraqitur sot në parlament.
Pavarësisht njoftimit të kancelarit Olaf Scholz në vitin 2022 për investime të reja të mëdha në mbrojtje, forcat e armatosura ende po përballen me mungesa të pajisjeve si dhe me probleme të infrastrukturës, sipas Eva Haegl, komisionerja e forcave të armatosura të Gjermanisë.
“Fuqia vazhdon të plaket dhe tkurret”, shkroi Hegl në raportin e saj vjetor të vitit 2023, të publikuar sot në Berlin.
Sipas raportit, njësitë ushtarake gjermane kanë boshllëqe të mëdha në personel. Haegl gjithashtu vë në dukje se mungesat e pajisjeve përfshijnë gjithçka, nga pajisjet e rënda deri te pjesët rezervë, dhe se këto mungesa janë përkeqësuar pasi Gjermania i ka dërguar Ukrainës armë nga rezervat e saj.
Scholz njoftoi një fond special prej 100 miliardë eurosh për të ripajisur forcat e armatosura në një fjalim pasi Rusia nisi pushtimin e saj në Ukrainë në shkurt 2022. Kancelari e quajti pushtimin një “pikë kthese” (“Zeitenwende”) dhe premtoi se Gjermania do rindërtojë forcat e saj të armatosura.
Por raporti thekson se në praktikë ndryshimet janë të ngadalta. Hagel shkruan se në shumë fusha u vendos një kurs i rëndësishëm vitin e kaluar, por forcat e armatosura të Gjermanisë nuk e kanë arritur ende qëllimin e tyre.
“Unë marr letra nga prindër, fëmijët e të cilëve sapo kanë filluar mandatin e tyre – në kampe me kabina të rrënuara, dushe të mykur dhe tualete të bllokuara”, thotë ajo.
Detyra e komisionerit është të ndihmojë parlamentin në detyrën e tij për të mbikëqyrur forcat e armatosura dhe gjithashtu të shërbejë si një avokat për ushtarët. /vizionplus.tv
