Ministri i Republikës Islamike të Iranit, Hossein Amir-Abdollahian ka njoftuar se ka nisur hetimi për vdekjen e 22 vjeçares Mahsa Amini.
Përmes një reagimi në Twitter ai ka thënë se të drejtat e njeriut në Iran kanë një vlerë të qënësishme duke thumbuar edhe kundërshtarët.
Më tej ai ka bërë një deklaratë kundrejt SHBA ku shkruan ‘Në vend që të derdhin lot krokodili, SHBA duhet t’i japë fund terrorizmit ekonomik”.
Reagimi i plotë:
U urdhërua një hetim për vdekjen tragjike të Mahsës, e cila, siç tha Presidenti, ishte njësoj si vajzat tona.
AdvertisementPër Iranin, të drejtat e njeriut kanë vlerë të qenësishme – ndryshe nga ata që e shohin atë një mjet kundër kundërshtarëve.
Në vend që të derdhin lot krokodili, SHBA duhet t’i japë fund #Economic Terrorism
22 vjeçarja Mahsa Amini ndërroi jetë disa orë pasi u ndalua nga Policia e Moralitetit në Iran për shkelje të kodit të veshjes ndërsa dyshohet se ajo është dhunuar deri në vdekje.
Konkretisht vajza u akuzua se nuk kishte mbuluar flokët me shami siç në Iran është e detyrueshme me ligj.
Policia e mohoi dhunën duke thënë se vajza ndërroi jetë si pasojë e një ataku në zemër.
Kjo ngjarje ka nxitur protesta të shumta në vend ku mijëra qytetarë kanë dalë në rrugë për vdekjen tragjike të të resë dhe të drejtat e tyre.