Presidentja e komisionit europian Ursula Von der Leyen është shprehur gjatë një interviste se presidenti rus Vladimir Putin duhet të përballet me Gjykatën Penale Ndërkombëtare, për krimet e luftës në Ukrainë.
“Putini duhet ta humbasë këtë luftë dhe duhet të përballet me veprimet e tij, kjo është e rëndësishme për mua. Ne mbështesim mbledhjen e provave me qëllim të procedimeve të mundshme në Gjykatën Penale Ndërkombëtare. Kjo është baza e sistemit tonë juridik ndërkombëtar, që ne i ndëshkojmë këto krime. Dhe në fund të fundit, Putin është përgjegjës.”
Ndërsa u pyet nëse ajo mendon se Putin do të dalë ndonjëherë para drejtësisë, përgjigjja e Von der Leyen ishte:
“Unë mendoj se kjo është e mundur.”
Ndër të tjera Von der Leyen bëri thirrje që të gjitha vendet duhet ti vijnë në ndihmë Ukrainës për tu pajisur me armatime nëse është e nevojshme.
“Nëse ata thonë se kanë nevojë për tanke beteje, atëherë ne duhet ta marrim seriozisht dhe t’ua dorëzojmë atyre.” Ukraina e di saktësisht se çfarë i duhet “për të mbrojtur jetën dhe për të mbrojtur veten”.
Shtetet e Bashkuara të Amerikës sapo kanë miratuar zyrtarisht paketën e re të ndihmës prej 600 milion dollarësh për Ukrainën. Ajo përfshin armë, municione, dhe pajisje shtesë. Teksa lufta ne Ukrainë vijon prej 7 muajsh presidenti Volodimir Zelensky njoftoi të enjten në mbrëmje se është gjetur një varr masiv në IZium ku u gjenden 400 trupa të ushtarëve ukrainas.
