![Zelensky thirrje Kongresit Amerikan: Miratoni sa më shpejt ndihmën për Ukrainën](https://www.vizionplus.tv/wp-content/uploads/2024/03/5557257_20240328t173110z-1496045550-rc24v6ax818p-rtrmadp-3-ukrainecrisiszelenskiyjohnson_ls-601x400.jpg)
Presidenti ukrainas Volodymyr Zelensky i bëri thirrje Kryetarit të Dhomës së Përfaqësuesve të SHBA-së, Mike Johnson, për”miratimin e shpejt” të ndihmës së madhe ushtarake jetike për vendin e tij.
Ndihma prej 60 miliardë dollarësh është bllokuar në Kongres që nga viti i kaluar.
“E informova Johnson për situatën në fushën e betejës, veçanërisht për rritjen dramatike të terrorit ajror rus”, tha Zelensky pas një bisede telefonike me një zyrtar të lartë amerikan.
Zelensky tha se ndihma e SHBA për Ukrainën e miratuar nga Kongresi është e një rëndësie jetike.
Johnson, i cili përcakton se cilat projektligje do të hidhen në votim në Dhomën e Përfaqësuesve, tha së fundmi se ai po shqyrton mënyrat për të ndihmuar Ukrainën, ndërsa Senati ka miratuar tashmë 60 miliardë dollarë ndihmë. /vizionplus.tv