Gjatë aksionit të policisë për kontrollim dhe sanksionim të automjeteve mjeteve që lëvizin me shpejtësi më të madhe se ajo e lejuar në territorin e vendit, dje janë sanksionuar 255 drejtues mjetesh.
Sipas MPB-së, 17 prej tyre lëviznin me shpejtësi mbi 50 kilometra në orë më shpejt se sa lejohej.
Kështu, 135 drejtues mjetesh kanë tejkaluar shpejtësinë në vende të banuara, kurse 120 në vende të pa banuara.
“Kontrollet e aksionit të intensifikuar vazhdojnë edhe në ditët në vijim. Apelojmë tek të gjithë pjesëmarrësit në komunikacion që të respektojnë rregullat dhe rregulloret e komunikacionit dhe të kontribuojmë së bashku për rrugë më të sigurta”, thuhet në njoftimin e Ministrisë.
255 sanksionime për vozitje të shpejtë në të gjithë teritorin e Maqedonisë së Veriut shkruan Telegrafi.