Zgjedhje të parakohshme parlamentare nuk duhet të ketë, sepse kemi shumë punë për të kryer, tha Ali Ahmeti, lider i Bashkimit Demokratik për Integrim (BDI). Ai në një konferencë për shtyp tha se zgjedhjet e reja të mundshme do të çojnë në një paparashikueshmëri të re.
“Zgjedhjet janë të panevojshme dhe të paparashikueshne nëse e kemi parasysh krizën globale energjetike, që e ka kapluar jo vetëm Maqedoninë e Veriut, por edhe gjithë rajonin. Sfidë më e madhe, thotë ai, është Marrëveshja me Bullgarinë dhe, mendon që pa një marrëveshje me Sofjen, nuk do të ishin të mira zgjedhjet e parakohshme. Ai është shprehur se tashmë ka sinjale pozitive që palët mund të ofrohen dhe vendi është në pritje që pas përmbylljes së festave, të ketë një epilog pozitiv”, tha Ahmeti.
Lideri i BDI-së u shpreh gjithashtu se i takon “kampit të optimistëve” se është e afërt zgjidhja, pavarësisht temave folklorike dhe emocionale që herë pas here preken nga të dyja palët.
“Është temë e ndjeshme thotë ai, dhe kjo është arsyeja pse gjithsecili duhet t’i qaset kontestit me seriozitet dhe jo me emocione”, tha Ahmeti.
Aheti u bëri thirrje partive politike që të mos bëjnë politikë ditore për këtë çështje sepse duhet të mbrohen interesat afatgjata shtetërore. Kreu i BDI-së është i vendosur se me anëtarësimin në NATO interesi i investitorëve të huaj dhe vendas është rritur për 100%./Telegrafi/
Ahmeti: Nuk ka nevojë për zgjedhje, pres zgjidhje me Bullgarinë pas Vitit të Ri shkruan Telegrafi.