Gjykata Penale e Shkupit sot ka shpallur aktgjykimin për aksidentin tragjik në Llaskarcë, në të cilin humbën jetën 16 persona. Pronari i kompanisë “Durmo Tours” Durmish Behluli u dënua me katër vite burg, ndërsa shoferi i autobusit me 14 vite burg.
Prokurori publik Darko Jakimovski, tha se sigurisht që do të shqyrtohen dënimet për të gjithë të akuzuarit. Ai ka pritur që dënimet të jenë maksimale, e jo t’i afrohen minimumit ligjor, përcjell Telegrafi Maqedoni.
“Pritja jonë ishte që dënimet të mos i afroheshin më shumë se minimumi ligjor i dënimit për këtë vepër që mund të variojë nga 4 deri në 20 vjet. Në këtë drejtim, sigurisht që do të rishqyrtohet dënimi, që është hallkë e rëndësishme e përgjegjësisë dhe shpresoj që në të ardhmen të mos jemi dëshmitarë të një tragjedie të tillë”, tha Jakimovski.
Prokurori publik Darko Jakimovski, në fjalën e tij përfundimtare kërkoi dënimin më të ashpër sepse, sipas tij, ka pasur pakujdesi në veprimet e të gjithë të akuzuarve dhe ishte vetëm çështje kohe se mbi çfarë baze, siç tha ai, “kaosi i punës mund të rezultojë me këto apo pasoja të ngjashme”.
Këshilli gjykues në Gjykatën Themelore Penale – Shkup e shpalli fajtor të akuzuarin Durmish Beluli, pronar i kompanisë “Durmo Tours”, dhe e dënoi me katër vite burgim, përgjegjësit për transport në kompani, Remzi Miftari, gjashtë vite burg, ndërsa tre punonjësit e stacionit të kontrollit teknik, Igor Gjorgjievski, Goran Dukovski dhe Jane Bovarovski, të cilët akuzohen për bashkëfajësi në të njëjtën vepër, u dënuan me pesë vite burg.
Të gjitha lajmet nga aksidenti tragjik në Llaskarcë
Shoferi i autobusit Manoil Trifunovski është dënuar maksimalisht me 14 vite burg.
Në aksidentin e autobusit, i cili ndodhi në vitin 2019, 16 pasagjerë humbën jetën dhe mbi 30 u lënduan./Telegrafi/
Aktgjykimi për rastin “Llaskarca”, prokurori Jakimovski paralajmëron rishqyrtim të dënimeve shkruan Telegrafi.
