Angellov: Në Maqedoni aktualisht ka tre zjarre aktive

Pinterest LinkedIn Tumblr +

Herët në mëngjes, drejtori i Qendrës për Menaxhim me Kriza, Stojançe Angellov, ka kryer monitorim të tre zjarreve aktive me një helikopter policor.

Zjarri më i madh është në një pjesë të zonës së poligonit të Krivollakut, ku aktualisht po punojnë për shuarjen e zjarrit, disa pjestarë të ushtrisë dhe një helikopter policor.

“Magazinat ushtarake janë të siguruara, plotësisht të sigurta! Zjarri i dytë është një zjarr i ri që është vërejtur gjatë monitorimit të zjarreve sot në mëngjes me helikopter dhe ndodhet në atarin e fshatit Kalugjericë afër rrugës kryesore Radovish – Strumicë, ku është pylli i dushkut dhe ka mundësi zgjerimi. Në këtë zjarr janë dërguar ekipet e Njesitit Territorial kundër Zjarrëve nga Radovishi me një automjet për shuarjen e zjarreve”, tha Angellov.

Zjarri i tretë sipas informacioneve të QMK-së, është zjarri që u ndez dje në atarin e fshatit Trebeçinë në komunën Vasilevë.

Advertisement

“Zjarri ka ulur intensitetin e tij gjatë natës, ndërsa mëngjesin e sotëm në disa vende ka tym, por nuk ka zjarr aktiv. Në rast nevoje për veprim shtesë ajror pas një zjarri, kemi në dispozicion edhe mjete të tjera”, tha Angellov.

Angellov: Në Maqedoni aktualisht ka tre zjarre aktive shkruan Telegrafi.

Share.

Comments are closed.

Copyright © 2023 Struga.info | Privacy policy