Sektori për Punë të Brendshme në Strumicë ka ngritur kallëzim penal kundër një mësuesi 40-vjeçar nga Strumica pasi i njëjti dyshohet për sulm seksual ndaj një fëmije.
“I dyshuari, mësimdhënës në një shkollë fillore në Strumicë, në periudhën nga tetori i vitit 2020 deri në maj të vitit 2022, përmes rrjetit social i ka dërguar mesazhe me përmbajtje eksplicite seksuale një nxënëse, e cila nuk i ka mbushur 14 vjeç. Duke përfituar nga fakti se kanë mbetur vetëm në palestrën e shkollës, ai ka kryer dy herë akte të tjera seksuale, duke prekur dhe puthur viktimën”.
“Prokurori publik kompetent i ka dorëzuar gjyqtarit të procedurës paraprake nga Gjykata Themelore në Strumicë propozim për caktimin e masës së paraburgimit, sepse ekziston rreziku që ai të ikë, të ndikojë mbi dëshmitarët ose ta përsërisë veprën penale. Gjykatësi e ka pranuar kërkesën dhe të dyshuarit i ka caktuar masën e paraburgimit prej 30 ditësh”, thuhet në njoftimin e Prokurorisë.
Arrestohet një mësues në Strumicë, dyshohet për sulm seksual ndaj nxënëses së mitur shkruan Telegrafi.
