Nga Koalicioni ASH-AAA, reagojnë për vendimin e Qeverisë për vendosjen e “taksës ekologjike”. Nga ky koalicion theksojnë se me këtë vendim rëndohet akoma më shumë gjendja ekonomike e qytetarëve.
Sipas tyre, vendimi për shtrenjtimin e derivateve të naftës për 3.5 denarë është vetëm keqpërdorim i ekologjisë për të mbuluar paaftësinë e Qeverisë aktuale në menaxhimin e buxhetit.
“Në kohë krize kur qytetarët ende ndjejnë pasojat e rënda të pandemisë, Qeveria vendosi të ua rëndojë edhe më shumë gjendjen ekonomike përmes vendosjes të ashtuquajturës “taksë ekologjike”. Vendimi për të shtrenjtuar derivatet e naftës për 3.5 denarë për litër është vetëm keqpërdorim i ekologjisë për të mbuluar paaftësinë e Qeverisë aktuale në menaxhimin e buxhetit dhe pasojave të krizës nga ky vendim më së shumti do të pësojnë transportuesit”, thonë nga koalicioni ASH-AAA.
Taksa ekologjike do t’i rrisë çmimet e derivateve të naftës. Prej 1 korrikut do të shtrenjtësohen për 3.5 denarë, kurse Qeveria tashmë ka llogaritur se në Buxhet do të hyjnë një miliard e 685 milionë denarë për 6 muaj ose 3 miliardë e 300 mijë denarë për tërë vitin. Kryeministri Zoran Zaev tha se mjetet do të dedikohen për investim në burime të energjisë së ripërtëritshme.
ASH-AAA: “Taksa ekologjike” do të rëndojë gjendjen ekonomike të qytetarëve shkruan Telegrafi.
