Rritje të çmimit në faturat e qytetarëve nuk do të ketë nga 1 janari, sipas metodologjisë së re, këtë e tha sot ministri i Ekonomisë, Kreshnik Bekteshi në pyetjen nëse do të kemi rritje të çmimit të energjisë elektrike.
Bekteshi tha se tatimi i ri do të përfshijë vetëm “qytetarët që kanë vikend shtëpiza. 2-3 shtëpi, 2-3 banesa”.
“Kategoritë më të rrezikuara të qytetarëve, që kanë harxhim mesatar, në bllokun e parë dhe të dytë, ata do të paguajnë më pak në pjesën e energjisë elektrike edhe në faturën e përgjithshme që do ta marrin, duke e marrë parasysh edhe çmimin e rrjetit shpërndarës. Ata qytetarë që kanë 2-3 banesa, vikend shtëpiza ose ngjashëm, ata do të kenë tarifë fikse gjatë gjithë vitit, duke marrë parasysh se nëse njëherë e përdorin atë hapësirë, ata kur shkojnë në atë banesë apo vikend shtëpizë, ata kanë energji elektrike për të cilën paguajnë qytetarët tjerë për momentin, sipas metodologjisë ekzistuese”, deklaroi Bekteshi.
Bekteshi: Nuk do të ketë rritje të çmimit të energjisë elektrike nga 1 janari shkruan Telegrafi.