Kryetari i KRRE-së, Marko Bislimovski thotë se është herët të flitet për çmime më të larta të energjisë elektrike.
“Nuk ka nevojë për panik. Ne do të bëjmë gjithçka që kena në dorën tonë për të shmangur goditjet e çmimeve dhe mënyrën se si KRRE do të ngrijë fitimet. Fakti është se nëse kostot e blerjes për humbjet e energjisë elektrike si në MEPSO ashtu edhe në Elektrodistribucija janë jashtëzakonisht të larta dhe nëse EVN Home importon energji elektrike, atëherë KRRE po shqyrton opsionin e zvogëlimit ose eliminimit të fitimeve të kompanive që rregullon”, tha ai në emision “Top Tema”.
I pyetur nëse ndihet përgjegjës për krizën energjetike në vend, Bislimovski theksoi se KRRE ka bërë gjithçka që mundet në bazë të kompetencave të saj ligjore.
“A do të ishte më mirë, sigurisht, po. KRRE ka më shumë se një vit që organizon takime të përbashkëta me të gjitha kompanitë e energjisë elektrike. Ne përgjithësisht e dimë shumë mirë situatën. Në krizë të gjithë duhet të solidarizojmë me kompanitë dhe me KRRE-në dhe me konsumatorët, sepse në fund të gjithë ose do të jemi fitues ose të gjithë do të humbim”, tha Bislimovski./Telegrafi/
Bislimovski: Është herët të flitet për çmime më të larta të energjisë elektrike shkruan Telegrafi.