Ministri i Punëve të Jashtme dhe kandidati për president Bujar Osmani, ka folur për iniciativën “Open Balkan”. Në një video në rrjetet sociale, Osmani tha se “Open Balkan” ishte iniciativë e Shqipërisë por që u mbështet edhe nga Shtetet e Bashkuara të Amerikës dhe shtoi se ky iniciativë kishte dy motive; pajtim mes Kosovës dhe Serbisë dhe çlirim të potencialit ekonomik në Ballkan.
“Open Ballkan ka qenë një iniciativë e Shqipërisë, e mbështetur nga Shtetet e Bashkuara të Amerikës për dy arsye; 1. Për të krijuar kushte për pajtim mes Serbisë dhe Kosovës dhe t’i jepet një rrugëdalje Serbisë që ta pranojë Kosovën se natyrisht ishin pozicionet e Serbisë ashtu si ishin në opinionin e tyre, para botës, Kosovës, ai donte të krijonte një platformë që t’i del një rrugëdalje për njohje të ndërsjellët mes Serbisë dhe Kosovës”.
“Dhe e dyta ishte aspekti ekonomik sepse Qeveria e Shqipërisë kishte vlerësuar se 80 për qind të kamionëve në Ballkan, 80 për qind të kohës e kalojnë në pika kufitare duke pritur për shkak të procedurave administrative të kota kurse 20 për qind e kalojnë në rrugë për të mbërritur te destinacioni. Ekonomia është e ngulfatur për shkak të barrierave administrative të panevojshme përmes shteteve të rajonit”, tha Osmani.
Osmani shtoi se në çdo takim me SHBA-të i është thënë që ta mbështesin këtë iniciativë pasi mbrapa kësaj qëndron ideja e pajtimit dhe çlirimit ekonomik.
Ndërkohë, Osmani pati edhe një pyetje për kundër-kandidatin për president, Arben Taravarin që ky i fundit tha se nëse do të bëhet president, do të largohet nga Open Ballkan.
“Ku ishe që në Qeveri dy vite dhe kishe ministra deri para dy muajve, asnjëherë nuk e hapët temën e Open Ballkan, bile ministri juaj nënshkroi marrëveshje për Open Ballkan dy ditë para se të dalë prej Qeverisë”, tha Osmani.
Bujar Osmani: “Ballkani i Hapur” është iniciativë e Shqipërisë, me qëllim pajtimin në mes Kosovës dhe Serbisë shkruan Telegrafi.