Aleksandar Dashtevski, kryetari i Komisionit Shtetëror Zgjedhor, për “TV24” njoftoi se serveri për sistemin identifikues biometrik të votuesve tashmë është instaluar dhe koduar për mbrojtjen e të dhënave.
“Vetëm serveri është mbi një milion euro, ndoshta dy, nuk e di. Por ekziston edhe kriptologjia, kriptimi i të dhënave. Ato janë të koduara dhe është një proces shumë i shtrenjtë. Dhe të dhënat e tyre të koduara tashmë na janë dhënë nga Ministria e Brendshme, nga kompania e tyre. Ato vendosen me ne në serverin tonë, i cili tashmë është konfiguruar dhe koduar.
As kryetari dhe as nënkryetari i KSHZ-së nuk do të jenë në gjendje t’i shohin ata. Do të mundet vetëm me kartën e tij të identitetit ose gjurmën e gishtërinjve”, tha Dashtevski.
Dashtevski shpjegoi se fituesi i tenderit “Dermalog” ka punësuar dy nënkontraktorë të rinj për sigurinë e softuerit.
Në zgjedhjet lokale në tetor, për herë të parë, votimi do të bëhet me terminalet e gjurmëve të gishtërinjve, ndërsa prokurimi publik i sistemit i kushtoi KSH-së rreth 11 milionë euro./Telegrafi/
Dashtevski: Softueri i sistemit të identifikimit biometrik është i instaluar dhe i koduar shkruan Telegrafi.