Është shkarkuar nga detyra drejtori i Klinikës së Kardiokirurgjisë, Marjan Shokarovski, tha sot ministri i Shëndetësisë Ilir Demiri.
Demiri tha se ka marrë konstatime se shkalla e vdekshmërisë në Klinikë është rritur.
“Kam formuar një Komision dhe kam marrë raportin të premten dhe nuk ka pasur devijime të rëndësishme. Por sot mora një tjetër informacion, se 170 pacientë nuk janë regjistruar në “Termini im” për letrat e lirimit dhe vdekjet, ndaj mendoj se shifra e vdekjes mund të ndryshojë. Unë jam ministër në largim dhe kam dashur ta shtyj këtë, por sot vendosa ta shkarkoj doktorin Shokarovski”, tha Demiri në një konferencë për shtyp.
I pyetur se kush do ta zëvendësojë drejtorin, ministri thotë se do ta lërë këtë pyetje, por nëse pyetet, ai nuk do të jetë punonjës në kardiokirurgji. Ai tha se tashmë ka krijuar një komision të ri për parandalimin e sëmundjeve kardiovaskulare, i cili do të konsultohet me ekspertë të njohur botërorë.
The post Demiri shkarkon drejtorin e Klinikës së Kardiokirurgjisë, Marjan Shokarovski appeared first on Telegrafi.
