Deri muajin e ardhshëm në Maqedoni do të ketë çmime të ngrira për prodhimet bazë

Ngrirja e çmimeve për produktet ushqimore do të zgjasë deri në muajin e arhdshëm më 28 shkurt.

Sipas vendimit të qeverisë, bëhet fjalë për produktet si buka, sheqeri, mielli, vaji, qumështi, mishi, djathi, gjiza, orizi, veza dhe produktet brumore.

“Me këtë vendim çmimet më të larta të këtyre produkteve mbetet në nivelin e çmimeve të rregullta të cilat janë zbatuar më 1 dhjetor 2021, në tregti me shumicë dhe pakicë, pas çfarë përjashtohen çmimet në aksion të cilat kanë vlejtur deri më 1 dhjetor 2021”, qëndron në njoftimin e Qeverisë.

Propozimi për ngrirjen e çmimeve të këtyre produkteve është dorëzuar nga Ministria e Ekonomisë./Telegrafi/

Deri muajin e ardhshëm në Maqedoni do të ketë çmime të ngrira për prodhimet bazë shkruan Telegrafi.