Njëri nga tre kandidatët për kryetar të LSDM-së, Jovan Despotovski ftoi edhe dy kandidatët e tjerë, Dimitar Kovaçevski dhe Frosina Remenski që bashkërisht ta organizojnë prezantimin e programit.
“Do t’i ftoj shokët e mi partiak dhe kandidatët për kryetar të LSDM-së, Frosninën dhe Dimitarin që bashkërisht të organizojmë prezantimin e programeve tona”, u shpreh Despotovski.
Ai shtoi se mund të bashkohen rreth ideve dhe koncepteve dhe se duhet të sigurohet qasje e barabartë tek anëtarët dhe mbështetësit e partisë të cilët, siç thotë Despotovski, jo çdo herë kanë mundësi të ftohen dhe të jenë të pranishëm në atë se çfarë ofrohet.
“Duke marrë parasysh edhe afatet e shkurta, propozoj që prezantimi të jetë online, me mundësi të hapur për parashtrimin e pyetjeve të drejtpërdrejta”, tha Despotovski./Telegrafi/
The post Despotovski fton Kovaçevskin dhe Remenskin bashkërisht t’i prezantojnë programet për kryetar të LSDM-së appeared first on Telegrafi.
