U ndalua kontrabanda e 50 paketave të cigareve që një shtetas grek i bleu në një free-shop dhe donte t’i sillte në Republikën e Maqedonisë së Veriut përmes pikës kufitare Bogorodicë. Vlera e përgjithshme e paketave të cigareve është 85.900 denarë, ndërsa dogana e përgjithshme që ka dashur t’i shmanget është 60.900 denarë, njoftoi Drejtoria doganore.
Pakot e cigareve doganierët i zbuluan në zgavrat e fabrikës, pas tapicerisë së dyerve të pasme të automjetit me të cilin udhëtonte shtetasi grek, shton Drejtoria doganore.
Janë konfiskuar paketat me gjithsej 10 mijë cigare, ndërsa ndaj personit është ngritur kallëzim për kundërvajtje.
Drejtoria doganore, në kuadër të kompetencave të saj, kryen veprimtari për mbrojtjen e interesave financiare të shtetit dhe shtypjen e tregtisë ilegale. /Telegrafi/
Është parandaluar kontrabanda e 50 paketave me cigare të blera në free-shopin Bogorodicë shkruan Telegrafi.
