Filipçe duke u përgjigjur në pyetjen e gazetarëve theksoi se ilaçi “Remdesivir” për mjekimin e virusit COVID-19 është gjithashtu i disponueshëm në Maqedoni, por nuk është për përdorim të gjerë, por përdoret vetëm për mjekim spitalor.
“Duhet të kemi parasysh që kjo lloj terapie jepet në një ambient spitalor dhe se është ilaç që jepet nën tregues të rreptë të një prej formave të sëmundjes që mund të shfaqet te pacientët, por jo te të gjitha.
Ne kemi “Remdesivir” dhe “Favipiravir”. Me ndihmën e një kredie nga Banka Botërore, kur ligji të miratohet në Kuvend, një shumë shtesë do të blihet për të gjithë vitin e ardhshëm 2021. Por këto nuk janë ilaçe që jepen jashtë spitaleve”, tha Filipçe./Telegrafi/
Filipçe: Ilaçi “Remdesivir” për mjekim të COVID-19 është i disponueshëm edhe në Maqedoni shkruan Telegrafi.
