Komisioni për Sëmundje Infektive ka propozuar zbutjen e masave kufizuese. Mes tjerash parashikohet që gjatë festës se Bajramit dhe festës së Pashkëve të mos ketë orë policore.
Këtë deklarata Filipçe e bëri pas monitorimit të procesit të imunizimit të popullsisë që kreu sot në sallën “A1 Arena Boris Trajkovski” në Shkup.
“Fillimisht të hapen tarracat verore në të gjitha objektet gastronomike. Ora policore të shkurtohet dhe të nis nga ora 21:00. Ndërsa gjatë festave në vijim, Pashkët, d.m.th të shtunën deri të dielën dhe 12 deri 13 maj, mos të ketë orë policore, ndërsa në këto ditë objektet gastronomike të punojnë nga ora 21:00 deri 21:30”, tha ministri Filipçe.
Ndërsa në lidhje me vaksinimin e popullsisë, Filipçe tha se ky proces po rrjedh me dinamikën e paraparë.
“Vaksinimi po rrjedh mirë këtu në Sallën A1 Arena në Boris Trajkovski. Sot arrijnë edhe 10 mijë vaksina Pfizer. Numrat po ulen, vala epidemiologjike po bie, presioni ndaj spitaleve po bie gjithashtu, sot kemi më pak se 100 të infektuar”, deklaroi Venko Filipçe./Telegrafi/
Filipçe: Kemi propozuar që gjatë Bajramit dhe Pashkëve të mos ketë orë policore shkruan Telegrafi.