Filipçe kërkon përgjegjësi për organizimin e koncertit në Manastir

Ministri i Shëndetësisë Venko Filipçe theksoi shkeljen e rëndë të protokolleve në koncertin e Petar Grasho në Heraklea dhe u bëri thirrje autoriteteve që të reagojnë dhe të sanksionojnë siç duhet të gjithë ata që shkelin protokollet e vendosura në luftën kundër coronavirusit.

Nuk mund të hesht për shkeljen e rëndë të protokolleve në koncertin e Petar Grasho në Heraklea në Manastir.

“Komisioni për sëmundje infektive dhe unë personalisht patëm disa takime me organizatorët e ngjarjeve në qershor, në të cilin bashkërisht përcaktuam protokollet e miratuara tashmë, sipas të cilave, përveç të tjerave, ngjarjet zhvillohen vetëm jashtë, me një maksimum 50% të kapacitetit të planifikuar, distanca e detyrueshme ndërmjet vizitorëve prej 1.5 metra, mbajtja e detyrueshme e maskës dhe dezinfektimi i duarve dhe matja e temperaturës gjatë hyrjes për secilin vizitor.

“Organizatori i ngjarjes është i detyruar të sigurojë prani të detyrueshme të një shërbimi të sigurisë që do të kontrollojë zbatimin e protokolleve dhe masave të përcaktuara, me të drejtën për të larguar çdo vizitor që nuk do t’i respektojë ata”, ka shkruar Filipçe në Facebook./Telegrafi/

Filipçe kërkon përgjegjësi për organizimin e koncertit në Manastir shkruan Telegrafi.