Duke filluar nga e hëna, qytetarët, përveç certifikatës së vaksinimit, ose konfirmimit për aplikimin e një doze vaksine, në objektet e hotelierisë dhe vende të tjera të përfshira nga masat, do të mund të hyjnë me konfirmimin se kanë kaluar coronavirusin, por vetëm 45 ditët e para, duke llogaritur nga dita e shërimit, informoi sot Ministri i Shëndetësisë Venko Filipçe.
“Ajo periudhë është që të kalojnë 30 ditët e nevojshme pas shërimit, 15 ditë për të organizuar vaksinimin. Zgjidhja e vetme është rritja e përfshirjes së vaksinimit, besoj se qytetarët e kuptuan mesazhin e masave dhe dua t’i falënderoj ata.
Nëse qytetarët kanë dilemë unë dua t’i inkurajoj që të shkojnë të vaksinohen, kjo është mënyra se si ne do të arrijmë imunitetin kolektiv, do të kemi një jetë normale, do të jemi në gjendje të funksionojmë, jetojmë, punojmë, të jemi produktivë dhe të rimarrim jetën tonë.
Dëshmi për këtë është se qytetarët e vaksinuar sëmuren në një përqindje jashtëzakonisht të vogël”, tha ministri Filipçe.
Pas përfundimit të 45 ditëve të para, pas transfuzionit, do të jetë e vlefshme për këta qytetarë që për hyrjen në objekte të dorëzojnë një certifikatë vaksinimi, pra një vërtetim për aplikimin e së paku dozës së parë të vaksinës./Telegrafi/
Filipçe: Qytetarët që kanë kaluar COVID-19 do të mund të hyjnë në objektet hotelerike vetëm 45 ditët e para shkruan Telegrafi.