Ministri i Shëndetësisë, Venko Filipçe sot pasdite kishte takim pune me drejtorët e klinikave pranë Qendrës Klinike “Nëna Terezë” dhe Spitalit të Përgjithshëm të Qytetit “8 Shtatori” në Shkup.
Në takim, njoftoi Ministria e Shëndetësisë, është biseduar për situatën momentale me kapacitetet me qendrat e kovidit dhe rotacionet me personelin.
Sistemi është plotësisht i organizuar, po sigurohen shtretër spitali shtesë për pacientët me kovid. Edhe pse shumica e klinikave po bëhen qendra kovidi vazhdon të realizohet programi i rregullt për rastet urgjente dhe pacientët me sëmundje malinje. Sistemi shëndetësor për çdo ditë menaxhohet, qytetarët duhet të jenë të qetë. Ministri Filipçe bën thirrje që masat dhe protokollet shëndetësore detyrimisht të respektohen, sepse janë në interes të mbrojtjes së shëndetit të qytetarëve, theksojnë nga Ministria.
“Duke e mbrojtur veten ju i mbroni edhe familjet e juaja, miqtë, të afërmit, ndërsa me këtë tregoni respekt për punën e punonjësve shëndetësorë”, porositi ministri Filipçe.
Filipçe: Sigurojmë shtretër spitali dhe kuadër, qytetarët t’i respektojnë masat shkruan Telegrafi.