Bashkimi Evropian (BE) mbështet fuqimisht aktivitetet për heqjen e ndërtesave të paligjshme në rajonin e Ohrit. Ambasadori i BE në vend, David Geer në “Twitter” shkruan se nuk ka vend për ndërtime të paligjshme në brigjet e Liqenit të Ohrit dhe se ato duhet të largohen.
“Trashëgimia unike natyrore dhe kulturore e rajonit, e njohur nga UNESCO duhet të mbrohet. Duke mbrojtur trashëgiminë e Ohrit tani, ne po investojmë gjithashtu në punë dhe në promovimin e aktiviteteve të shërbimit tani dhe në të ardhmen”, shkruan Geer.
Kryetari i Komunës së Ohrit, Konstatin Georgievski publikisht falënderoi BE për mbështetjen që jep në fushën përmbushjen e rekomandimeve të UNESCO-s dhe ruajtjen e natyrës dhe trashëgimisë kulturore të rajonit të Ohrit./Telegrafi/
Geer: Nuk ka vend për ndërtimet paleje në rajonin e Liqenit të Ohrit shkruan Telegrafi.