Në Maqedoninë e Veriut, gjatë janarit janë regjistruar 187 raste me COVID-19, njoftojnë nga Instituti për Shëndet Publik. Që nga fillimi i pandemisë në vendin tonë janë regjistruar 350.503 raste të konfirmuara me COVID-19, prej të cilëve 9.976 kanë humbur jetën.
Në raportin e ISHP-së thuhet se është shënuar ulje e rasteve për 9.2% në krahasim me dhjetorin 2023 dhe për 73.7% krahasuar me janarin 2023.
“Pjesa më e madhe e të prekurve janë regjistruar në Shkup, kurse incidenca më e madhe shënohet në Ohër.
Gjatë janarit janë regjistruar katër viktima si pasojë e komplikimeve me COVID-19. Nga fillimi i pandemisë janë deri më 31.01.2024 janë regjistruar 350.503 raste me COVID-19, ndërsa numri i përgjithshëm i personave që kanë humbur jetën ka arritur në 9.976”, thuhet në raportin e ISHP-së.
Në muajin e kaluar, thuhet në raport, 67 persona kanë marrë vaksinën anti-covid, kurse deri më 31 janar 2024 në Maqedoninë e Veriut, me dy doza, janë vaksinuar 857.256 persona.
Nga atje shtojnë se stabilizohet aktiviteti i gripit stinor në rajonin e Evropës. Dominant vazhdon të jetë virusi i gripit i tipit A. Gjatë janarit janë regjistruar 5.716 të prekur nga gripi./Telegrafi/
The post ISHP: Në muajin janar janë regjistruar 187 raste me Covid-19 në Maqedoni appeared first on Telegrafi.
